MATSHWAO: 80
NAKO: dihora tse 2
Pampiri ena e na le maqephe a 9.
PAMPIRI YA 2 (P2)
KEREITE YA12
DITAELO HO MOHLAHLOBUWA
Pampiri ena e arotswe dikarolo tse tharo, e leng:
KAROLO YA A: Moqoqo 
KAROLO YA B: Ditema tsa kgokahano tse telele 
KAROLO YA C: Ditema tsa kgokahano tse kgutshwane 
Araba dipotso TSOHLE.
Bala ditaelo TSOHLE ka hloko.
Qala karolo e NNGWE le e NNGWE leqepheng le LETJHA.
Seha mola qetellong ya karolo e nngwe le e nngwe.
Nomora dikarabo tsa hao jwalo feela ka ha dipotso di nomorilwe pampiring ya dipotso.
Tlola mola dipakeng tsa dikarabo tsa hao.
Ngola ka mongolo o makgethe mme o balehang.
Tsepamisa maikutlo haholo mopeletong le popong ya dipolelo tse nepahetseng.
Dipotso tsohle di arajwe ka Sesotho.
Mohlahlobuwa o tlameha ho etsa moralo wa ho ngola (ka ho iketsetsa mmapa wa monahano, daekramo, tjhate e bontshang tatellano ya mehopolo kapa ho etsa feela lenane la dintlhakgolo tseo a tlang ho ngola ka tsona). Mohlahlobuwa o lokela hore a be a lekole botjha mosebetsi wa hae ka ho o bala hape, ho o nahanisisa, ho o lokisa diphoso, le ho nehelana ka sehlahiswa se phethetsweng. Ha mohlahlobuwa a lokisa diphoso a sebedise potloloto/pensele. Moralo o etswe ditemeng tsohle.
Mohlahlobuwa o eletswa ho sebedisa metsotso e 60 a araba KAROLO YA A, metsotso e 30 a araba KAROLO YA B le metsotso e 30 a araba KAROLO YA C.
KAROLO YA A: MOQOQO
POTSO YA 1
Kgetha sehlooho kapa setshwantsho se le SENG mme o ngole moqoqo wa bolelele ba mantswe a 200 - 250. Ela tsena hloko:
Mohatong wa boitokisetso etsa moralo kapa mmapa wa monahano moo o bontshang mehopolo ya sehlooho le dintlha tse tshehetsang tseo o tla ngola ka tsona.
Ha o qeta ho ngola moqoqo boela o o bale hape ho lokisa diphoso. O tla abelwa matshwao bakeng sa ho ela hloko mehato ena.
Ditsela di ngata tseo batjha ba ka itlosang bodutu ka tsona. E nngwe ya tsona ke ho ba le seabo dipapading. Ngola moqoqo ka mofuta wa papadi eo o e ratang mme sehlooho sa moqoqo wa hao e be: Papadi eo ke e ratang haholo.
KAPA
Moruo wa dinaha tsa lefatshe ka bophara o behile batho mathateng. Batho ba bangata ha ba sa kgona ho fihlella ditabatabelo le ditlhoko tsa malapa a bona. Bua ka seo o se utlwisisang ka moruo mme sehlooho sa moqoqo wa hao e be: Maemo a moruo wa naha ya heso.
KAPA
KAPA
Ha o hola o lebelletswe ho ba motho wa bohlokwa setjhabeng. Batswadi ba hao le matitjhere ba o bontshitse tsela tse lokileng tsa ho phela. Tse ding tsa tsona ke tseo o ke keng wa di lebala le kgale! Ngola moqoqo ka: Melemo eo ke e fumaneng thutong ya titjhere kapa/motswadi wa ka.
KAPA
Hlahlobisisa setshwantsho se ka tlase ebe o etsa qeto hore se bolela eng. Ha o se o fihletse qeto eo, ngola moqoqo ka setshwantsho seo. Neha moqoqo wa hao sehlooho.
Setshwantsho se qotsitswe ho tswa bukeng ya Mmampodi, Tataiso ya ho Ithuta, leq. la 26
KAPA
Hlahlobisisa setshwantsho se ka tlase ebe o etsa qeto hore se bolela eng. Ha o se o fihletse qeto eo, ngola moqoqo ka setshwantsho seo. Neha moqoqo wa hao sehlooho.
KAPA
Hlahlobisisa setshwantsho se ka tlase ebe o etsa qeto hore se bolela eng. Ha o se o fihletse qeto eo, ngola moqoqo ka setshwantsho seo. Neha moqoqo wa hao sehlooho.
KAPA
Hlahlobisisa setshwantsho se ka tlase ebe o etsa qeto hore se bolela eng. Ha o se o fihletse qeto eo, ngola moqoqo ka setshwantsho seo. Neha moqoqo wa hao sehlooho.
MATSHWAO OHLE A KAROLO YA A:
KAROLO YA B: DITEMA TSA KGOKAHANO TSE TELELE
POTSO YA 2
Kgetha mme o ngole tema e le NNGWE ho tsena tse latelang. Bolelele ba tema e be mantswe a 80 - 100.
Hopola ho etsa moralo, o badisise le ho lokisa diphoso temeng eo o tlang ho e ngola.
Shebisisa setshwantsho sena o nto ngolla mmasepala wa motse wa heno lengolo, mme o hlahise tletlebo ya hao ka baahi ba silafatsang motse haholoholo dibakeng tseo bana ba bapallang ho tsona.
KAPA
O fihlile kamora nako sekolong, mme ha o a ngola teko ya Sesotho mohlang oo. Titjhere ya hao ha e utlwisisi mabaka a hao. Ngola puisano pakeng tsa hao le titjhere o mo hlalosetse mathata a ileng a o hlahela tseleng.
KAPA
Le sa tswa keteka mokete wa botjhaba le setso sekolong sa heno. Le ile la fumana tshehetso ho tswa ho borakgwebo ba motseng wa lona, batswadi, lefapha la thuto le ho matitjhere. Batshehetsi bao ba lokela ho fumantshwa raporoto ya diketsahalo tsohle tse etsahetseng ho tloha ho ditokisetso ho ya fihla pheletsong ya mokete. Ngolla batshehetsi bana ba lona raporoto e hlakisang diketsahalo tsa mokete oo wa botjhaba le setso.
E qotsitswe makasineng ya Bona, Tshitwe 2007: 35
KAPA
Motswalle wa hao eo o neng o phedisana le yena o se a dula tulong e nngwe le batswadi ba hae. O fumane lengolo le tswang ho yena le o kopang ho tla eta matsatsing a phomolo. Ka bomadimabe o ke ke wa finyella ka tlasa mabaka a itseng. Mo ngolle lengolo o hlalose mabaka ao.
MATSHWAO OHLE A KAROLO YA B:
KAROLO YA C: DITEMA TSA KGOKAHANO TSE KGUTSHWANE
POTSO YA 3
Kgetha mme o ngole tema e le NNGWE ho tsena tse latelang. Bolelele ba tema e be mantswe a 60 - 80.
Hopola ho etsa moralo, o badisise le ho lokisa diphoso temeng eo o tlang ho e ngola.
Ngwaneno o ne a ile toropong le e meng ya metswalle ya hae. Ka bomadimabe ha a kgutlela lapeng tsatsing leo. Ba lelapa ba kgathatsehile mme ba lahlehetswe ke tshepo ya hore a o sa phela moo a leng teng. Etsa phousetara eo o tla e romella ho ba dikoranta hore setjhaba se le thuse ho mmatla.
KAPA
O sa tswa amohela molaetsa hore motswalle wa hao ya ileng mose ho mawatle o o hloloheletswe. Mo ngolle posekarete o mo phetele hakgutshwane hore wena o ntse o etsang moo o leng teng.
KAPA
O sa tswa bula kgwebo eo ho yona o rekisang dijo strateng se ka thoko ho toropo. Kgwebo ya hao e sa le nyane mme o batla ho e tsebahatsa. Etsa pampitshana ya tlhahisoleseding ho tsebisa setjhaba ka kgwebo ena ya hao.
MATSHWAO OHLE A KAROLO YA C:
MATSHWAO OHLE A PAMPIRI ENA:
